Azərbaycan Respublikasının İqtisadi Şurasının Sahibkarlıq Fəaliyyətinə Maneələrin Aradan Qaldırılması və Biznes Mühitinin Yaxşılaşdırılması üzrə İşçi Qrupu tərəfindən təşkil olunan Vergi sahəsində sahibkarlıq fəaliyyətinə maneə və çətinliklərin müəyyənləşdirilməsi və müvafiq təkliflərin hazırlanması üzrə Altqrup üzvləri görüş keçiriblər.
Görüş zamanı Altqrupun fəaliyyət prinsipləri, qarşıya qoyulan vəzifələr geniş şəkildə müzakirə olunub, fikir mübadiləsi aparılıb və bir sıra qərarlar qəbul edilib. Daha sonra Koordinasiya Qrupuna üzvlərin seçilməsi ilə bağlı təlimat təqdim olunub və namizədliyini irəli sürən sahibkarların qeydiyyatı həyata keçirilib və tərkibi müəyyən edilib.
Sonda Altqrupun Koordinasiya Qrupunun üzvlərinin səsverməsi ilə “City Leasing” MMC-nin direktoru Qrupun rəhbəri seçilib.
https://economicreforms.gov.az/fealiyyet/xeberler/vergi-sahesinde-sahibkarliq-fealiyyetine-manee-ve-cetinliklerin-mueyyenlesdirilmesi-ve-muvafiq-tekliflerin-hazirlanmasi-uzre-altqrup-uzvlerinin-gorusu-kecirilib